ఇప్పుడు కూడా కాంగ్రెస్ నేతల కామెంట్స్

రేణూ దేశై, పవన్ కళ్యాణ్ ఇద్దరూ ఇష్టపడి వివాహం చేసుకున్నారే తప్ప కాంగ్రెస్ పార్టీ విమర్శలకు భయపడే పెళ్లి చేసుకున్నారనటం అవాస్తవమని నాగబాబు పేర్కొన్నారు. అయినా తాము ఎవరి విమర్శలకు భయపడేది లేదని ఆయన స్పష్టం చేశారు. అలాగే ఈ వివాహాన్ని రాజకీయం చేయవద్దని ఆయన కోరారు. బుధవారం ఆయన మీడియాతో మాట్లాడుతూ చట్టబద్ధంగా ఒకటైన రేణు, పవన్‌కల్యాణ్‌లను ఆశీర్వదించాలని కోరారు.ఇక పవన్‌కళ్యాణ్‌, రేణు దేశాయ్‌ని వివాహం చేసుకోవడంతో ప్రజారాజ్యం పార్టీలో కోలాహలం మిన్నంటింది. మరీ ముఖ్యంగా పవన్‌కళ్యాణ్‌ అభిమానులు పార్టీ కార్యాలయం వద్దకు చేరుకుని సందడి చేశారు. పవన్‌కళ్యాణ్‌ దంపతులకు శుభాకాంక్షలు తెలిపేందుకు అభిమానులు పోటీపడ్డారు.